Minggu, 24 Jun 2018
radarmadura
icon featured
Puisi

Puisi Madura Qiey Romdani*

Minggu, 07 Jan 2018 16:59 | editor : Abdul Basri

Puisi Madura Qiey Romdani*

Maske dika ban bula ta’ apolong

Ate paggun settong

Tape bila dika ajalan ban reng lake’

Se nyalae adat ban agama

Atena pasera se ta’ sake’

Napapole maelang taresnana bula

Odhi’ rassa ta’ nyaman

Bila ate saleng atokaran

Eocola ker-pekkeran

Keng ampon atale janjina reng towa

Gapura, 2017

..............................

Santre

Saterrossa ngabdi e pondhuk

Angaji’i aba’ tor ate

Nemmo elmo epalappae

Tor ejulida kalaban buja cabbi

Rassana seddha’ kasamporna’an tengka

E bakto mole ban odhi’na

Gapura, 2017

..........................................

Pornama

Sonarra matana dika

Akantha pornama malem mangken

Ate bula eajak ngalengsang

arangke’ mempe kalaban kanyata’an se gi’ ta’ paste

bulan pornama ce’ terrangnga

dika ban bula saleng pandheng

taresna se ampon atale socce

amandhi sonar pornama malem mangken

Gapura, 2017

...........................

*Alumnus MI Tarbiatul Athfal Gersik Putih dan santri PP Nasy’atul Muta’allimin.

(mr/*/bas/JPR)

 TOP
 
 
 

Subscribe

E-Paper
Follow us and never miss the news
©2017 PT Jawa Pos Group Multimedia