Senin, 25 Jun 2018
radarmadura
icon featured
Puisi

Puisi Madura Khalil Satta Elman*

Minggu, 11 Feb 2018 17:33 | editor : Abdul Basri

Puisi Madura Khalil Satta Elman*

Sala Atengka’

Kalaban are se ampon arangka’

Mekkere ate se ampon tabarangka’

Lantaran aba’ se ban-saromban atengka’

astaghfirullah robbal baroya

astaghfirullah minal khotoya,

robbi zidni ‘ilmannafi’a

wawaffiqni ‘amalan maqbula

Dhu Guste Se Maha Tenggi

Abdina nyo’on sapora’agi

Ate se petteng patera’agi

Sopaja jalan asareng ridana Ilahi

Battangan, 2017

............................

Ngampet Rassa

Tadha’ oca’ kaoca’

Taresna socce asempen dhalem porca’

Battangan, 2017

...................................

Sello’ Soca Mardha

-Nabalah An-Nabila

Saamponna taresna abadhi macemma barna

Sakobengnga rassa talempet dhalem nespa

Akompol dhalem sello’ soca mardha

Se ampon morak kataresna’an dhalem dhadha.

Sajjana, aba’ maso’ dha’ settong careta

Terro asapo’a kabunga’an asareng ate se mardika

Nangeng pangaterro ta’ saropa

Sareng paparengnga Se Kobasa,

Kabunga’an se earep, kasossaan sajan rapet.

La…

Badha dhimma dika?

Ma’ gun adina sello’ soca mardha

Se agandhu’ careta ce’ ngennessa

Agabay sanja’ madurana bula ta’ pole asoca.

Battangan, 2017

................................

Yadan Nabila Gappora

Aroba pornama

Mesemma ce’ tajemma

Asapo’ macemma barna

Macaltong ate se ce’ dhalemma.

Lencak Socce, 2017

..............................

Ebu

Bula ampon towa

Baktona mabali kalakowanna dika

Se lako apello koneng sanaleka

Kacathet dhalem settong tareka.

Ebu…

Bula edinto sabban malem lako ngolok dika

Lebat sanja’,

Lebat paparegan

Manyettong kerrong dhalem pangarebban.

Battangan, 2017

.............................

*)Oreng Disa Kombang, Polo Poterran. Gi’ mondhuk e Ke Hamdi Ghaffar, Battangan ban asakola e MTs Nasa 1 Gappora.

(mr/*/bas/JPR)

 TOP
 
 
 

Subscribe

E-Paper
Follow us and never miss the news
©2017 PT Jawa Pos Group Multimedia