Senin, 18 Jun 2018
radarmadura
icon featured
Puisi

Puisi Madura Anisa Aryan

Minggu, 11 Mar 2018 14:52 | editor : Abdul Basri

Puisi Madura Anisa Aryan

Badha se aserro

E penggirra sorobba are,

Langnge’ kapeng petto’,

Dhari tase’ se biru

Ta’ tao ja’ apa, engko’ bingung

Etalektegi tong-settong

Ban-sabban aksara

Sabban okara

Rassa kerrong talebat
atamba sabban arena

Otaba me’ pola, kodu eja pole

Sakabbiyanna se badha e bakto enga’na

Tape rassana ta’ kera, engko’ tako’ nyellem

Karana, rassa kerrong aoker ce’ dhalemma

Seangga rassa reya ngantang dhalem

Bajangan se ampon nyellem

...............................

Saellana Ba’na Nyengla

Saellana ba’na nyengla,

Robana ba’na cekka’ e dhalem pekkeran

Daddi jang-bajangan

Se asapo’ labun pote

Rese’ abarengnge jalanna ba’na

Bakto are moncar

Cellebba malem, se ampon eserrop

Pajjar

Saellana ba’na nyengla engko’ buru apangrasa

Gaja’ se molae lamba’ agili

E bakto akompol

Coma mesem se ella tadha’

Agabay rassa sake’

Se tadha’ padha.

...............................

Birasat

 

Sowarana ate

Maksa pangeran aberri’

Ba’na dha’ ka engko’

E bakto tembang taresna

Ampon padha nyelbi’

Neng bibir se manes

Kaju se rampa’

Nyalepsep ka dhalem ate

Nyare cellep

Dhari dhara se socce

Saengga, aoba

Kalaban asre

Masenneng ka ate.

...............................

*Santri Annuqayah asal Romben Guna, Dungkek.

(mr/*/bas/JPR)

 TOP
 
 
 

Subscribe

E-Paper
Follow us and never miss the news
©2017 PT Jawa Pos Group Multimedia